22 December 2025

Kompaniya va MKBANK o‘rtasida "Bosh qayta moliyalashtirish kelishuvi" imzolandi

📊Kompaniya hamkor banklari safi tobora kengayib bormoqda. Endilikda ular 14 taga yetdi. Bugun Kompaniya va “Mikrokreditbank” ATB o‘rtasida "Bosh qayta moliyalashtirish kelishuvi" imzolandi.

📌Ushbu kelishuv orqali uy-joy xarid qilish uchun ajratiladigan kredit mablag‘lari barqaror moliyaviy manbalar bilan ta’minlanadi. Natijada, fuqarolar uzoq muddatli, qulay foiz stavkalariga ega ipoteka kreditlaridan foydalanish imkoniyatiga ega bo‘ladilar, bu esa aholining uy-joy sharoitlarini yaxshilashga xizmat qiladi. 

✅Tomonlar bu hamkorlikning uzoq muddatli va strategik ahamiyatga ega ekanini ta’kidladilar. Kelishuv asosida amalga oshiriladigan loyiha va dasturlar mamlakatda uy-joy masalasi bo‘yicha mavjud ehtiyojlarga javob beruvchi muhim vosita bo‘lib xizmat qiladi.