29 January 2025

Xabar

“O‘zbekiston ipotekani qayta moliyalashtirish kompaniyasi” aksiyadorlik jamiyati sizga o‘z hurmatini bildirib, 2025 yil 20 fevral kuni Toshkent shahri, Amir Temur sho‘x ko‘chasi, 107b-uy, 14A manzilida aksiyadorlarning navbatdan tashqari umumiy yig‘ilishi o‘tkazilishini e’lon qiladi. “O‘zbekiston ipotekani qayta moliyalashtirish kompaniyasi” aksiyadorlik jamiyatining elektron pochta manzili - info@uzmrc.uz.

Aksiyadorlarning navbatdan tashqari umumiy yig‘ilishining boshlanish vaqti - soat 15:00.

Aksiyadorlarning navbatdan tashqari umumiy yig‘ilishi ishtirokchilarini ro‘yxatga olish vaqti soat 14:45 dan 15:00 gacha.

Aksiyadorlarning navbatdan tashqari umumiy yig‘ilishini o‘tkazish to‘g‘risida xabardor qilish uchun jamiyat aksiyadorlari reyestrini shakllantirish sanasi- 2025 yil 28 yanvar;

Aksiyadorlarning navbatdan tashqari umumiy yig‘ilishida qatnashish huquqiga ega jamiyat aksiyadorlarining reyestrini shakllantirish sanasi- 2025 yil 14 fevral.

 

Kun tartibi:

1. Aksiyadorlarning navbatdan tashqari umumiy yig‘ilishining sanoq komissiyasi a’zolari soni va shaxsiy tarkibini tasdiqlash;
2. Aksiyadorlarning navbatdan tashqari umumiy yig‘ilishining reglamentini tasdiqlash;
3. "O‘zIQMK" AJ ning 2025-2030 yillarga mo‘ljallangan strategiyasini tasdiqlash;
4. "O‘zIQMK" AJ ning yangi tashkiliy tuzilmasini tasdiqlash.
5. “O‘zIQMK” AJ Kuzatuv kengashining sobiq a’zosi O. Nasritdinkhodjaevning murojaatini ko‘rib chiqish;
6. "O‘zIQMK" AJ Kuzatuv kengashi to‘g‘risidagi Nizomning yangi tahririni tasdiqlash;
7. "O‘zIQMK" AJ “Kuzatuv kengashi a’zolarini mukofotlash to‘g‘risidagi Nizom”ga kiritilayotgan 1-son o‘zgartirishlar va qo‘shimchalarni tasdiqlash.
8. "O‘zIQMK" AJ Ijroiya organi to‘g‘risidagi Nizomning yangi tahririni tasdiqlash.

Aksiyadorlar aksiyadorlarning navbatdan tashqari umumiy yig‘ilishini o‘tkazish uchun barcha ma’lumotlar (materiallar) bilan Toshkent shahri, Amir Temur sho‘x ko‘chasi, 107b-uy, 14A manzilida tanishishlari mumkin. Bog‘lanish uchun telefon - 78 148 30 00 (116) (Korporativ maslahatchi - Burieva L.X.). Murojaatlar dushanbadan jumaigacha har kuni soat 09:00 dan 18:00 gacha (tanaffus – 13:00 dan 14:00 gacha) qabul qilinadi.

Aksiyadorlarning navbatdan tashqari umumiy yig‘ilishida ishtirok etish uchun aksiyadorlar vakillarining shaxsini tasdiqlovchi hujjat va O‘zbekiston Respublikasining amaldagi qonunchiligiga muvofiq berilgan ishonchnoma bo‘lishi shart.

“Aksiyadorlik jamiyatlari va aksiyadorlarning huquqlarini himoya qilish to‘g‘risidagi” O‘zbekiston Respublikasi qonunining 58-moddasiga asoslan, aksiyadorlarning umumiy yig‘ilishini o‘tkazish chog‘ida umumiy yig‘ilishda, kun tartibidagi masalalarni muhokama qilish va ovozga qo‘yilgan masalalar bo‘yicha qarorlar qabul qilishda ishtirok etish imkoniyatini beradigan axborot-kommunikatsiya texnologiyalaridan foydalanilishi mumkin.

“O‘zbekiston ipotekani qayta moliyalashtirish kompaniyasi” AJ

 Kuzatuv kengashi