28 November 2025

Osiyo ikkilamchi ipoteka bozori assotsiatsiyasi (ASMMA) Samarqandda o‘z ishini boshladi

✈️ Bugun Osiyo ikkilamchi ipoteka bozori assotsiatsiyasi (ASMMA) a’zolari assotsiatsiyaning umumiy yillik yig‘ilishini o‘tkazish maqsadida Samarqand shahriga yetib kelishdi. 

💬 Tadbir doirasida mintaqaviy ikkilamchi ipoteka bozori rivoji, assotsiatsiya faoliyati samaradorligini oshirish va kelgusi yilgi ustuvor vazifalarni belgilash masalalari muhokama qilinishi belgilangan.

🎙Yig‘ilish ASMMA 2025-yil Raisi - O'zbekiston ipotekani qayta moliyalashtirish kompaniyasi Bosh ijrochi direktori Murodjon Farmanovning ochilish nutqi bilan boshlandi. 

🤝Unda so‘nggi yillardagi ortib borayotgan hamkorlik aloqalari, ikkilamchi ipoteka bozori ishtirokchilari o‘rtasidagi tajriba almashinuvi va mintaqaviy tashabbuslarning ahamiyati qayd etildi.

📝Kun tartibidan quyidagi masalalar o‘rin olgan:

ASMMA kotibiyatining yillik faoliyati hisoboti 

ASMMA a’zolarining yillik faoliyat taqdimoti

2026-yil uchun ASMMA Raisi nomzodini tasdiqlash

O'zbekiston ipotekani qayta moliyalashtirish kompaniyasi va Mongoliya ipoteka korporatsiyasi o‘rtasida hamkorlik memorandumini imzolash marosimi

💡Tadbir davomida assotsiatsiya a’zolari tajriba almashish, istiqboldagi qo‘shma loyihalarni muhokama qilish va mintaqaviy bozorni yanada integratsiyalash bo‘yicha fikr almashishlari ko'zda tutilgan.