28 September 2026

Kompaniya va Fransiya taraqqiyot agentligi (FTA) hamkorligida texnik ko‘mak missiyasi boshlandi 

Kompaniya, FTA va xalqaro ekspertlar ishtirokida O‘zbekistonda uy-joylarning energiya samaradorligini oshirishga qaratilgan texnik ko‘mak dasturi doirasidagi ishchi uchrashuvlar boshlandi.

Uchrashuvlar davomida:

• texnik ko‘mak dasturining asosiy yo‘nalishlari va 48 oylik ish rejasi muhokama qilinadi;
• Kompaniyaning yashil moliyalashtirish sohasidagi institutsional salohiyati va amaldagi jarayonlari o‘rganiladi; 
• “Yashil Ta’mir” platformasining imkoniyatlari taqdim etilib, platformaning texnik diagnostikasi boshlanadi;
• platformani yanada takomillashtirish va rivojlantirish bo‘yicha ustuvor yo‘nalishlar belgilab olinadi.

Mazkur hamkorlik O‘zbekistonda energiya samarador uy-joylarni moliyalashtirish mexanizmlarini rivojlantirish, yashil moliyalashtirish imkoniyatlarini kengaytirish hamda “Yashil Ta’mir” yo‘nalishini yanada takomillashtirishga xizmat qiladi.