10 March 2026

“Ўзбекистон ипотекани қайта молиялаштириш компанияси” АЖ Кузатув кенгашининг мустақил аъзолиги учун танлов эълон қилади.

Ўзбекистон Республикаси фуқаролари ва хорижий давлат фуқаролари танловда иштирок этиш учун ариза топширишлари мумкин. Танлов “Ўзбекистон ипотекани қайта молиялаштириш компанияси” АЖ (кейинги ўринларда "ЎзИҚМК" АЖ) Кузатув кенгашининг мустақил аъзолиги учун танлов ўтказиш ва номзодларни танлаб олиш тўғрисидаги Низом асосида ўтказилади.

Танловга аризаларни қабул қилишнинг бошланиш санаси: 2026 йил 11 март куни, соат 09:00 дан

Танловга аризаларни қабул қилишнинг тугаш санаси: 2026 йил 11 апрель куни, соат 18:00 гача.

Аъзолик ўринлари сони: 1

Ариза жўнатиладиган электрон манзил: info@uzmrc.uz

Алоқа маълумотлари: 78 148 30 00 (118), info@uzmrc.uz

 

"ЎзИҚМК" АЖ   фаолиятининг асосий йўналишлари қуйидагилардан иборат:

• банкларга улар томонидан берилган ёки бериладиган ипотека кредитларига молиявий маблағлар тақдим этиш;
• банклар томонидан берилган ипотека кредитлари бўйича талаб қилиш ҳуқуқини олиш;
• пул маблағларини банклар томонидан чиқарилган ипотека қимматли қоғозларига жойлаштириш;
• ипотека кредитларини қайта молиялаштириш билан боғлиқ маслаҳат ва ахборот хизматларини кўрсатиш;
• хизматларни масофадан туриб (электрон хизматлар) кўрсатиш, Ўзбекистон Республикасининг давлат қимматли қоғозларини, юридик шахсларнинг устав фондидаги (устав капиталидаги) улушларини ва уларнинг қарз қимматли қоғозларини сотиб олиш, бўш пул маблағларини банкка омонатлар (депозитлар) сифатида киритиш.

Лавозимга даъвогар номзодлар томонидан қуйидаги ҳужжатлар тақдим этилиши лозим:

• шахсни тасдиқловчи ҳужжат нусхаси, меҳнат дафтарчаси нусхаси (мавжуд бўлса) ёки иш тажрибасини тасдиқловчи ҳужжатлар, маълумоти тўғрисидаги ҳужжат нусхаси;
• меҳнат фаолияти тўғрисида маълумотнома (резюме);
• тавсиянома (агар мавжуд бўлса);
• “ЎзИҚМК” АЖ Кузатув кенгаши мустақил аъзосининг мустақиллик мезонларига мувофиқлиги тўғрисидаги ариза (1-Илова).

 

Номзодлар қуйидаги талабларга жавоб бериши лозим:

• тегишли мутахассислик бўйича олий маълумотга эга бўлиш (хорижий ва халқаро ўқув юртларида таҳсил олганлиги тўғрисида сертификат ва дипломлари мавжуд номзодлар қўллаб-қувватланади);
• уч йил ва ундан ортиқ бошқарув тажрибасига эга бўлиши;
• “ЎзИҚМК” АЖ фаолиятига таалуқли жараёнларни, бозор ва тармоқ фаолиятини чуқур тушуниши;
• ташкилот ва соҳаларни стратегиясини ишлаб чиқиш ва амалга ошириш тажрибасига эга бўлиши;
• операцион бошқарув тажрибасига эга бўлиши;
• молиявий институтлар, потенциал инвесторлар, маслаҳатчилар ва ташкилотлар билан бизнес алоқалар ва музокаралар олиб бориш кўникмаларига эга бўлиши;
• корпоратив бошқарув тамойилларини тушуниши;
• режалаштириш, молия, аудит, инсон ресурслари, хатарларни бошқариш, корпоратив бошқарув, рағбатлантириш бўйича бир ёки ундан ортиқ касбий кўникмаларга эга бўлиши.

 

 

Қуйидаги номзодлар танловда қатнаша олмайдилар:

• сўнгги уч йил ичида “ЎзИҚМК” АЖ да ва (ёки) “ЎзИҚМК” АЖ нинг аффилланган шахсларида ишлаган шахс;

• “ЎзИҚМК” АЖ овоз берувчи акцияларининг беш ёки ундан ортиқ фоизига эгалик қилувчи (тўғридан-тўғри ва (ёки) аффилланган шахслар орқали) акциядор;
• “ЎзИҚМК” АЖ нинг ва (ёки) унинг аффилланган шахсининг йирик мижози ва (ёки) йирик етказиб берувчиси билан фуқаролик-ҳуқуқий муносабатларда бўлган шахс. Бунда қайси шахслар билан базавий ҳисоблаш миқдорининг икки минг бараваридан кўп бўлган суммага тенг амалдаги шартнома мавжуд бўлса, ўша шахслар йирик мижоз ва йирик етказиб берувчи деб эътироф этилади;
  • сўнгги уч йил ичида “ЎзИҚМК” АЖ га ва (ёки) “ЎзИҚМК” АЖ нинг аффилланган шахсларига аудиторлик хизматларини кўрсатган аудиторлик ташкилотининг ходими;
  • кетма-кет олти йил давомида “ЎзИҚМК” АЖ нинг Кузатув кенгаши таркибига кирган шахс;
  • “ЎзИҚМК” АЖ ва (ёки) унинг аффилланган шахслари билан бирор-бир келишувга эга бўлган шахс, бундан Кузатув кенгаши аъзосининг вазифалари ва функциялари бажарилишини таъминлаш билан боғлиқ бўлган келишувлар мустасно;
  • “ЎзИҚМК” АЖ нинг бошқарув ва ички назорат органларининг ва (ёки) унинг аффилланган шахсларининг аъзоси бўлган шахснинг ёки сўнгги уч йил ичида уларга аъзо бўлган шахснинг яқин қариндоши ёки қуда томондан қариндоши (ота-онаси, ака-укалари, опа-сингиллари, ўғиллари, қизлари, эри (хотини), шунингдек эрининг (хотинининг) ота-онаси, ака-укалари, опа-сингиллари ва фарзандлари) бўлган шахс;
  • давлат бошқаруви органининг ёки давлат корхонасининг ходими бўлган

 шахс;

• “ЎзИҚМК” АЖ нинг уставида ёки акциядорлар умумий йиғилишининг қарорлари билан тасдиқланган ҳужжатларда белгиланган талабларга мувофиқ бўлмаган шахс.

Номзодларга қўйиладиган талаблар, кутилаётган вазифалар ва ваколатлар:

• қонунчиликда ва “ЎзИҚМК” АЖ уставида белгиланган Кузатув кенгаши аъзоси ваколат ва вазифаларини бажариш;
• виждонан ва жонкуярлик асосида ҳаракат қилиш;
• “ЎзИҚМК” АЖ манфаатларидан келиб чиқиб ҳаракат қилиш;
• “ЎзИҚМК” АЖ га нисбатан қарор қабул қилишда эҳтиёткорлик билан ёндашиш;
• қарорларни мустақил, шахсий ва бошқа манфаатларни инобатга олмаган ҳолда қабул қилиш.

“ЎзИҚМК” АЖ Кузатув кенгаши

 

Мен, _________________ ушбу билан номзод сифатида қуйидагиларни тасдиқлайман:

 

• Корпоратив бошқарувчи малака аттестатига эгаман (корпоратив бошқарувчи малака аттестатига эга бўлиш талаб этилмайдиган шахслар таркибига кираман);
• иқтисодий жиноятлар ёки бошқарув тартибига қарши жиноятлар учун судланмаганман ҳамда суд қарорларига асосан мансаб лавозимларни эгаллашим чекланмаган, шунингдек коррупцияга оид жиноятларни содир этишда айбдор деб топилмаганман;
• сўнгги уч йил ичида “ЎзИҚМК” АЖ да ва (ёки) “ЎзИҚМК” АЖ нинг аффилланган шахсларида фаолият юритмаганман;
• “ЎзИҚМК” АЖ овоз берувчи акцияларининг беш ёки ундан ортиқ фоизига эгалик қилувчи (тўғридан-тўғри ва (ёки) аффилланган шахслар орқали) акциядор эмасман;
• “ЎзИҚМК” АЖнинг ва (ёки) унинг аффилланган шахсининг йирик мижози ва (ёки) йирик етказиб берувчиси билан фуқаролик-ҳуқуқий муносабатларда бўлмаганман ва/ёки ҳозирда бу каби муносабатларга эга эмасман;
• сўнгги уч йил ичида “ЎзИҚМК” АЖ га ва (ёки) “ЎзИҚМК” АЖнинг аффилланган шахсларига аудиторлик хизматларини кўрсатган аудиторлик ташкилотининг ходими бўлмаганман;
• кетма-кет олти йил давомида “ЎзИҚМК” АЖнинг Кузатув кенгаши таркибида фаолият юритмаганман;
• “ЎзИҚМК” АЖ ва (ёки) унинг аффилланган шахслари билан бирор-бир келишувга эга эмасман (бундан кузатув кенгаши аъзосининг вазифалари ва функсиялари бажарилишини таъминлаш билан боғлиқ бўлган келишувлар мустасно);
• “ЎзИҚМК” АЖнинг бошқарув ва ички назорат органларининг ва (ёки) унинг аффилланган шахсларининг аъзоси бўлган шахснинг ёки сўнгги уч йил ичида уларга аъзо бўлган шахснинг яқин қариндоши ёки қуда томондан қариндоши (ота-онаси, ака-укалари, опа-сингиллари, ўғиллари, қизлари, эри (хотини), шунингдек эрининг (хотинининг) ота-онаси, ака-укалари, опа-сингиллари ва фарзандлари) бўлган шахс эмасман;
• давлат бошқаруви органининг ёки давлат корхонасининг ходими эмасман.

Ушбу аризада келтирилган барча маълумотларнинг, шунингдек унга илова қилинган ҳужжатлар ва материалларда мавжуд бўлган маълумотларнинг ҳақиқийлиги, ишончлилиги ва тўғрилигини тасдиқлайман.

Мен томонимдан ҳақиқий бўлмаган, ишончсиз ва нотўғри (ёлғон) маълумотлар берилганлиги аниқланган тақдирда, танловдан ёки Кузатув кенгаши таркибидан (агар таркибга сайлангандан сўнг аниқланса) четлатилишим тўғрисида хабардорман.

(Сана)

(Имзо)